Орталық директоры Дана Шаяхмет Парламент Сенаты жанындағы Жас сарапшылар клубының мүшесі болды.

Сенат төрағасы Мәулен Әшімбаев Алматыда сарапшылармен, қоғамдық ұйымдардың жетекшілерімен, шығармашылық және ғылыми зиялы қауым өкілдерімен кездесті. Талқылаудың негізгі мәселелері: Жаңа Қазақстанның күн тәртібі, елімізде жүзеге асырылып жатқан саяси және әлеуметтік реформалар, сондай-ақ Конституцияға өзгерістер мен толықтырулар енгізу бойынша республикалық референдумға дайындық барысы болды.

Парламент Сенаты жанындағы Жас сарапшылар клубының мүшелерімен кездесу барысында Мәулен Әшімбаев ел Президенті жариялаған конституциялық реформаның әрбір Қазақстандықтың өміріне қалай әсер ететіні туралы өз пайымымен бөлісті. Белгіленген реформалардың қатарында адам құқықтарын қорғаудың тиімді жүйесін құру, Парламенттің рөлі мен оның сайлаушылар алдындағы жауапкершілігін арттыру, аймақтардың тәуелсіздігін арттыру және билікті орталықсыздандыру бар.

Клуб отырысы барысында нәтижелі және қызықты пікірталас өтті. Жиналыста саясаттанушы Никита Шаталов, AlmaU Университетінің Креативті индустрия орталығының директоры Дана Шаяхмет, NARXOZ университетінің ғылым жөніндегі проректоры Қайрат Молдашев, шығармашыл жастар өкілі Расул Абдуллаев, «Асар-Үме» қайырымдылық қорының негізін қалаушы Асхат Нұрмашев, «Дала Зауре» жобасының жетекшісі Шадонна Вилора Розмат және басқа да қатысушылар конституциялық реформаның саяси институттар мен қоғамдық пікірталасқа қалай әсер ететіні туралы өз көзқарастарымен, сондай-ақ жаңа Қазақстанды құрудағы жастардың, еріктілер мен жасампаз топтың рөлін бағалаумен бөлісті.